திருப்பூர், செப். 17:
திருப்பூர் நஞ்சப்பா மாநகராட்சி ஆண்கள் மேல்நிலைப்பள்ளியில் மாணவ மாணவிகளுக்கு விலையில்லா சைக்கிள் வழங்கும் விழா நடைபெற்றது. இதற்கு செல்வராஜ் எம்.எல்.ஏ. தலைமை தாங்கி மாணவ மாணவிகளுக்கு சைக்கிள் வழங்கி பேசினார். மாநகராட்சி மேயர் தினேஷ்குமார் முன்னிலை வகித்தார். இதில் துணை மேயர் பாலசுப்பிரமணியம், மண்டல தலைவர் கோவிந்தராஜ் மற்றும் கவுன்சிலர் திவாகரன் மற்றும் பகுதி செயலாளர் மியாமி அய்யப்பன் மற்றும் தலைமை பொதுக்குழு உறுப்பினர் சலீம் உள்பட பலர் கலந்துகொண்டனர்.
நஞ்சப்பா பள்ளியை சேர்ந்த மாணவர்கள் 383 பேருக்கும், விஜயாபுரம் அரசு பள்ளியை சேர்ந்த 133 மாணவர்கள் மற்றும் 70 மாணவிகளுக்கும், வீரபாண்டி அரசு மேல்நிலைப்பள்ளியை சேர்ந்த மாணவர்கள் 102 பேருக்கும், மாணவிகள் 98 பேருக்கும், சின்னச்சாமி ஆண்கள் மேல்நிலைப்பள்ளி மாணவர்கள் 192 பேருக்கும், எம்.என். முருகப்ப செட்டியார் மேல்நிலைப்பள்ளியை சேர்ந்த 189 பேருக்கும் என மொத்தம் 1167 பேருக்கு சைக்கிள் வழங்கப்பட்டது.
