மதுரை மே 17
மதுரையில் பிறந்து திரையுலகில் வளர்ச்சி பெற்று
கதாநாயகனாக அங்கீகாரம் பெற்ற நடிகர் சூரிக்கு இயக்குனர் பிரசாந்த் பாண்டியராஜ் இயக்கத்தில் ராஜ்கிரன் ஐஸ்வர்ய லட்சுமி உடன் நடிகர் சூரி நடித்த மாமன் திரைப்படம் திரையரங்குகளில் வெளியாகியுள்ளது.
இதனை ஒட்டி மதுரை திருநகர் பகுதியில் சூரியின் அகில இந்திய தலைமை ரசிகர் மன்றம் சார்பில் பெண் ரசிகைகள் 100 க்கும் மேற்பட்டோர் பால்குடம் எடுத்து ட்ரம் செட் முழங்க ரசிகர் மன்ற கொடியுடன்
ஊர்வலமாக
திருநகரில் உள்ள கலைவாணி திரையரங்கு வரை வந்து நடிகர் சூரியின் பிளக்ஸ் பேனருக்கு பெண் ரசிகைகள் கொண்டு வந்த பால் குடத்தால் அபிஷேகம் செய்யப்பட்டு மலர்களை தூவி தங்கள் மகிழ்ச்சிகளை வெளிப்படுத்தினர்.
மதுரை மண்ணின் மைந்தர் நகைச்சுவை நாயகர் கதாநாயகனாக தோன்றி
நான்கு படம் முடிந்து ஐந்தாவது படம் நடித்த நிலையில் அவரது புகழை போற்றும் வகையில் திருநகரில் அகில இந்திய சூரி தலைமை ரசிகர் மன்றத்தினர் அவரது படம் பதித்த கொடியுடன் ஊர்வலமாக வந்தது
அந்த பகுதி மட்டுமின்றி தமிழக அளவில்
நடிகர் சூரி தனக்காக ஒரு அடித்தளம் அமைக்கிறார் என பரவலாக பொதுமக்கள் மத்தியில் பேசும்
பொருளாக அமைந்துள்ளது.
