சிவகங்கை, செப்.24:
தமிழ்நாடு அரசின் வழிகாட்டுதலின்படி, நாட்டு நலப்பணி திட்ட தினத்தையொட்டி தமிழகம் முழுவதும் நீர்நிலைகளில் ஒரு கோடி பனை விதைகள் நடும் பணி நடைபெற்று வருகிறது. அதன் ஒரு பகுதியாக காரைக்குடி அழகப்பா பல்கலைக்கழகத்தில் பனை விதை நடுவிழா நடைபெற்றது.
அழகப்பா பல்கலைக்கழக சேவை திட்டப் பிரிவு, சமூக வானொலி எஃப்.எம். 90.8 மெகா ஹிட்ஸ் மற்றும் காரைக்குடி ரோட்டரி கிளப் ஆஃப் பேரல் சங்கமம் இணைந்து நடத்திய நிகழ்ச்சியில் துணைவேந்தர் ஜெயகாந்தன், முன்னாள் துணைவேந்தர்கள் ரவி, சுப்பையா, பேராசிரியர்கள், கல்வியாளர்கள் மற்றும் கல்லூரி மாணவ, மாணவியர்கள் கலந்து கொண்டனர்.
