சேலம் மாவட்ட விவசாய பெருமக்கள் பிரதம மந்திரி பயிர் காப்பீட்டு திட்டத்தின் கீழ் காப்பீடு செய்ய மாவட்ட ஆட்சித் தலைவர் தகவல்

சேலம், ஜூலை 11 –

சேலம் மாவட்டத்தில் 2026 – காரீப் பருவத்தில் பிரதான பயிர்களுக்கு பிரதம மந்திரி பயிர் காப்பீட்டு திட்டம் செயல்படுத்தப்பட உள்ளது. அதன்படி 2026- 27- ம் ஆண்டு பிரதம மந்திரி பயிர் காப்பீட்டு திட்டத்தை சேலம் மாவட்டத்தில் சேமா ஜெனரல் இன்சூரன்ஸ் லிமிடெட் என்ற நிறுவனம் மூலம் செயல்படுத்தப்பட உள்ளது.

நெல்லுக்கு காப்பீடு செய்திட கால கெடு 31.7.2026 காப்பீட்டுத் தொகை ஏக்கருக்கு ரூ 38,630/= பிரீமியம் தொகை ரூபாய் 773 எனவும், சோளம் காப்பீடு செய்திட காலக்கெடு 17. 8. 2026 காப்பீட்டுத் தொகை ஏக்கருக்கு ரூ 10, 176 பிரீமியம் தொகை ரூபாய் 24 எனவும், சாமை காப்பீடு செய்திட காலக்கெடு 17.8. 2026 காப்பீட்டுத் தொகை ஏக்கருக்கு ரூ 9,979 பிரீமியம் தொகை ரூ 200 எனவும், நிலக்கடலை காப்பீடு செய்திட காலகடு 17.8.2026 காப்பீட்டுத் தொகை ஏக்கருக்கு ரூ. 22,329 பிரீமியம் தொகை 447 எனவும், ராகி காப்பீடு செய்திட காலக்கெடு 31.8. 2026 காப்பீட்டு தொகை ஏக்கருக்கு ரூ. 12,607 பிரிமியம் தொகை ரூபாய் 253 ஆகவும் நிர்ணயம் செய்யப்பட்டுள்ளது.

எனவே அறிவிக்கை செய்யப்பட்டுள்ள பயிர்களுக்கு கடன் பெறும் விவசாயிகள் தங்களது வங்கிகள், தொடக்க வேளாண்மை கூட்டுறவு கடன் சங்கங்கள் மூலமாகவும் கடன் பெற விவசாயிகள் பொது சேவை மையங்கள் மூலமாகவும் பயிர் காப்பீட்டுத் தொகையில் இரண்டு சதவிகிதம் பிரீமிய தொகையாகவும் செலுத்தி உரிய காலகெடுவிற்குள் பயிர் காப்பீடு செய்து பயன்பெறுமாறு கேட்டுக் கொள்ளப்படுகிறது.

அதேபோன்று அறிவிக்கை செய்யப்பட்ட பயிர்களுக்கு அறிவிக்கை செய்யப்பட்ட பிர்க்காவில் உள்ள விவசாயிகள் நடப்பில் உள்ள சேமிப்பு வங்கி கணக்கு புத்தக நகல், ஆதார் அட்டை நகல், பயிர் சாகுபடி அடங்கல், விண்ணப்ப படிவம் மற்றும் முன்மொழிவு படிவம் ஆகிய ஆவணங்களுடன் தொடக்க வேளாண்மை கூட்டுறவு கடன் சங்கங்கள், வணிக வங்கிகள் மற்றும் பொது சேவை மையங்கள் மூலமாக உரிய பிரிமிய தொகையினை செலுத்தி பயிர் காப்பீடு செய்து இயற்கை இடர்பாடு ஏற்படும் காலத்தில் உரிய காப்பீட்டுத் தொகை பெற்று பயனடையவும், இது குறித்து கூடுதல் விவரங்களுக்கு தங்களது வட்டார வேளாண்மை விரிவாக்க மையத்தில் உள்ள வேளாண்மை துறை அலுவலர்களை நேரில் தொடர்பு கொண்டு அறிந்து கொள்ளலாம்.

மேலும் பயிர் காப்பீட்டு விவரங்களை தங்கள் செல்லிடைப் பேசியில் உழவர் செயலியை பதிவிறக்கம் செய்து அதன் மூலமும் தெரிந்து கொள்ளலாம். இவ்வாறு சேலம் மாவட்ட ஆட்சித் தலைவர் இளம் பகவத் கூறியுள்ளார்.