தஞ்சாவூர், மே 7 –
தஞ்சாவூர் மாவட்டத்தில் 74,197 வாக்குகள் வித்தியாசத்தில் 6 தொகுதிகளை தவெக கோட்டை விட்டது. தஞ்சாவூர் மாவட்டத்தில் உள்ள 8 சட்டசபை தொகுதிகளில் திமுக 5 இடங்களிலும், தவெக 2 இடங்களையும், திமுக கூட்டணி கட்சியான இந்திய யூனியன் முஸ்லிம் லீக் கட்சி ஒரு இடத்தையும் கைப்பற்றியது. அதிமுக மற்றும் அதன் கூட்டணி கட்சிகளுக்கு ஒரு இடம் கூட கிடைக்கவில்லை.
தஞ்சாவூர் மாவட்டத்தில் உள்ள 8 தொகுதிகளில் மொத்தம் 19 லட்சத்து 68,724 வாக்காளர்கள் உள்ளனர். இவர்களில் 15 லட்சத்தை 86 ஆயிரத்து 887 வாக்களித்து உள்ளனர். இதில் 7 லட்சத்து 42 ஆயிரத்து 722 ஆண் வாக்காளர்களும், 8 லட்சத்து 44 ஆயிரத்து 81 பெண் வாக்காளர்களும், 3ம் பாலினத்தவர்கள் 84 பேரும் அடங்குவர். மொத்தம் 80.60 சதவீத வாக்குகள் பதிவாகி இருந்தன.
தஞ்சாவூர் மாவட்டத்திலுள்ள 8 சட்டசபை தொகுதிகளில் திமுக மற்றும் கூட்டணி கட்சிகளுக்கு 5 லட்சத்து 96 ஆயிரத்து 22 வாக்குகளும், தவெகவுக்கு 5 லட்சத்து 21 ஆயிரத்து 825 வாக்குகளும், அதிமுக மற்றும் கூட்டணி கட்சிகளுக்கு 3 லட்சத்து 83 ஆயிரத்து 500 வாக்குகளும் கிடைத்தன.
திமுக கூட்டணிக்கும், தவெகவுக்கும் கிடைத்த வாக்குகள் வித்தியாசம் 74,197 வாக்குகள் மட்டுமே. இந்த வாக்குகள் வித்தியாசத்தில் தான் தமிழக வெற்றிக்கழகம் தஞ்சாவூர் மாவட்டத்தில் 6 தொகுதிகளை கோட்டை விட்டது குறிப்பிடத்தக்கது.
