புதுக்கடை, ஜன. 29 –
தேங்காப்பட்டணம் அருகே உள்ள இனயம் சுனாமி காலனியை சேர்ந்தவர் வெனிஸ் ராஜ் (25). மீனவரான இவருக்கும் தேங்காப்பட்டணம் பகுதியை சேர்ந்த அஜித் (23), மோனிஷ் (25) ஆகியோருக்கும் முன் விரோதம் இருந்து வந்துள்ளது. இந்த நிலையில் சம்பவத்தன்று வெனீஸ்ராஜ் தேங்காப்பட்டணத்தில் உள்ள பெட்ரோல் பங்க் அருகே நின்று கொண்டிருந்தார்.
அப்போது அஜித், மோனிஷ் மற்றும் கண்டால் தெரியும் 3 பேர் என 5 நபர்கள் சேர்ந்து வெனிஸ் ராஜை சரமாரியாக தாக்கி அவரிடம் இருந்து 80 ஆயிரம் ரூபாயை பறித்து விட்டு கொலை மிரட்டல் விடுத்து சென்றனர். தாக்குதலில் காயமடைந்த வினிஷ் ராஜ் குழித்துறை அரசு மருத்துவமனையில் சிகிச்சைக்காக சேர்க்கப்பட்டார். இது குறித்த புகாரின் பேரில் புதுக்கடை போலீசார் அஜித், மோனிஷ் உட்பட 5 பேர் மீது வழக்கு பதிவு செய்து விசாரணை நடத்தி வருகிறார்கள்.
