டெல்லி, அக்.26.
டெல்லியில் Blinkit தளத்தின் மூலம் விற்பனைக்கு அறிமுகப்படுத்தப்பட்ட iPhone Duo ஸ்மார்ட்போன்கள், விற்பனை தொடங்கிய வெறும் 5 நிமிடங்களிலேயே விற்றுத் தீர்ந்ததாக அந்நிறுவனத்தின் நிறுவனர் அல்பிந்தர் திந்த்சா தனது X பக்கத்தில் தெரிவித்துள்ளார். இந்தத் தகவல் தொழில்நுட்ப ஆர்வலர்கள் மற்றும் சமூக வலைதளப் பயனர்களிடையே கவனத்தைப் பெற்றுள்ளது.
இதையடுத்து, “5 நிமிடங்களிலேயே போன்கள் விற்றுத் தீர்ந்துவிட்டதா? இந்தியா அவ்வளவு பணக்கார நாடாக மாறிவிட்டதா?” என சிலர் கேள்வி எழுப்பியுள்ளனர். அதே நேரத்தில், “விற்பனைக்கு வந்ததே சில போன்கள்தான் போல!” எனப் பலரும் நகைச்சுவையாகக் கருத்துகளைப் பதிவிட்டு வருகின்றனர். இருப்பினும், எத்தனை போன்கள் விற்பனைக்கு வந்தன என்பது குறித்த தகவல் உறுதிப்படுத்தப்படவில்லை.
