விளாத்திகுளம், அக்டோபர் 14 –
தூத்துக்குடி மாவட்டம் விளாத்திகுளம் ஊராட்சி ஒன்றியம், பூசனூர் ஊராட்சி, வடமலை சமுத்திரம் கிராமத்தில் அங்கன்வாடி மைய கட்டிடம், கட்டுவதற்கும் பூசனூர் ஊராட்சியில் பேவர் பிளாக் சாலை மற்றும் சிமெண்ட் சாலை அமைப்பதற்கான பணியையும் ரூ.94.76-லட்சம் மதிப்பீட்டில் விளாத்திகுளம் சட்டமன்ற உறுப்பினர் மார்கண்டேயன் அடிக்கல் நாட்டி துவக்கி வைத்தார்.
இந்நிகழ்வில் விளாத்திகுளம் வட்டார வளர்ச்சி அலுவலர்கள் ரஞ்சித், தங்கவேல், விளாத்திகுளம் தெற்கு ஒன்றிய செயலாளர் இம்மானுவேல், விளாத்திகுளம் மேற்கு ஒன்றிய செயலாளர் அன்புராஜன், ஒப்பந்ததாரர் சுர்ஜித், திமுக கிளைச் செயலாளர்கள் உள்ளிட்ட கழக நிர்வாகிகள், பொதுமக்கள் என பலர் கலந்து கொண்டனர்.
