கமுதி, ஆக. 05 –
தஞ்சாவூரில் நடைபெற்ற திமுக பொதுக்கூட்டத்தில், எதிர்க்கட்சித் தலைவர் உதயநிதி ஸ்டாலின் பெண்களை இழிவுபடுத்தும் வகையில் பேசியதாகல் , அவரைக் கண்டித்து தமிழக வெற்றி கழகம் சார்பில் தமிழகம் முழுவதும் கண்டன ஆர்ப்பாட்டங்கள் நடைபெற்றன. அதன் ஒரு பகுதியாக, ராமநாதபுரம் மேற்கு மாவட்ட தமிழக வெற்றி கழகம் சார்பில் கமுதி பேருந்து நிலையம் முன்பு கண்டன ஆர்ப்பாட்டம் நடைபெற்றது.
ஆர்ப்பாட்டத்திற்கு ராமநாதபுரம் மேற்கு மாவட்ட கழக செயலாளர் மதன் தலைமை தாங்கினார். இதில் மாவட்ட, ஒன்றிய, நகர, பேரூர் மற்றும் கிளை கழக நிர்வாகிகள் கலந்து கொண்டனர். ராமநாதபுரம் மேற்கு மாவட்டத்திற்குட்பட்ட பரமக்குடி மற்றும் முதுகுளத்தூர் சட்டமன்றத் தொகுதிகளைச் சேர்ந்த நிர்வாகிகள், தொண்டர்கள் என 1,000க்கும் மேற்பட்டோர் ஆர்ப்பாட்டத்தில் பங்கேற்று உதயநிதி ஸ்டாலினுக்கு எதிராக கண்டன முழக்கங்களை எழுப்பினர்.
