ஈரோடு, செப்.24:
தொழில் முனைவோர் மேம்பாட்டு நிறுவனம் சார்பில் ஈரோட்டை அடுத்த பள்ளிபாளையத்தில், பெண்களுக்கான 26 நாள் ஆரி வேலைப்பாடு பயிற்சி நடைபெற்றது. இதில் ஆரி வேலைப்பாட்டின் அடிப்படை மற்றும் நடைமுறைத் திறன்கள் குறித்து பயிற்சி அளிக்கப்பட்டதுடன், சுயதொழில் தொடங்குவதற்கான வழிகாட்டுதல்களும் வழங்கப்பட்டன.
பயிற்சி நிறைவு மற்றும் சான்றிதழ் வழங்கும் நிகழ்ச்சியில் திட்ட ஒருங்கிணைப்பாளர் சங்கர் பங்கேற்று, அரசுத் திட்டங்கள் மற்றும் தொழில்முனைவோர் வாய்ப்புகள் குறித்து விளக்கினார். பள்ளிபாளையம் 20-வது வார்டு கவுன்சிலர் சரவணன் சிறப்பு விருந்தினராக கலந்து கொண்டு, பயிற்சி முடித்த பயனாளிகளுக்கு சான்றிதழ்களை வழங்கினார்.
