தென்தாமரைக்குளம் எல் எம் எஸ் பள்ளியில் காமராஜர் பிறந்த தின கல்வி வளர்ச்சிநாள் கொண்டாடப்பட்டது

தென்தாமரைகுளம், ஜூலை 16 –

தென்தாமரைகுளம் எல்.எம்.எஸ் மேல்நிலைப் பள்ளியில் காமராஜரின் 124 வது பிறந்த தின விழா கல்வி வளர்ச்சி நாளாக விமர்சையாக கொண்டாடப்பட்டது. நிகழ்ச்சிக்கு பள்ளி தாளாளர் கால்வின் தலைமை வகித்து தலைமையுரையாற்றினார். பள்ளி தலைமை ஆசிரியை அனு ஜே ப்ரீத்தா முன்னிலை வகித்து சிறப்புரையாற்றினார். ஆசிரியை ஆன்லின் நிகழ்ச்சிகளை தொகுத்து வழங்கினார்.

நிகழ்ச்சியில் மாணவ மாணவிகளின் பேச்சு, பாடல், நடனம் உள்ளிட்ட கலை நிகழ்ச்சிகள் நடைபெற்றது. காமராஜரின் பிறந்த தினத்தை முன்னிட்டு நடத்தப்பட்ட போட்டிகளில் வெற்றி பெற்றவர்களுக்கு பரிசுகள் வழங்கப்பட்டன. முன்னதாக ஆசிரியை ஜான்சி ரீட்டா அனைவரையும் வரவேற்றார். ஆசிரிய செயலாளர் சாந்தி மார்கிரட் நன்றி கூறினார். நிறைவில் மாணவ மாணவிகளுக்கு இனிப்புகள் வழங்கப்பட்டன.