போகலூர், ஆக. 11 –
போகலூர் அருகே அரியக்குடி புத்தூர் கிராமத்தில் உள்ள சாத்தையா அய்யனார் கோயிலில் ராமநாதபுரம் சட்டமன்ற உறுப்பினர் திமுக மாவட்ட செயலாளர் காதர் பாட்ஷா முத்துராமலிங்கம் பிறந்த நாளை முன்னிட்டு சிறப்பு பூஜைகள் நடைபெற்றது.
திமுக கழக மாவட்ட பிரதிநிதி அ.புத்தூர் கிளைச் செயலாளர் கார்த்திக் பாண்டியன் ஏற்பாட்டில் திமுக மாவட்ட செயலாளர் காதர் பாட்ஷா பிறந்தநாள் விழாவை முன்னிட்டு சாத்தையா அய்யனார் கோயிலில் சிறப்பு பூஜைகளும் அதனை தொடர்ந்து கிராமத்தில் மகளிர் மன்றத்தைச் சேர்ந்த மகளிர்களுக்கு அறுசுவை அன்னதானம் வழங்கப்பட்டது.
சிறப்பு பூஜை மற்றும் அன்னதான நிகழ்ச்சியில் அரியக்குடி புத்தூர் ஊராட்சி முன்னாள் தலைவர் காயத்ரி கார்த்திக் பாண்டியன் மற்றும் மகளிர் குழுவினர் திரளாக கலந்து கொண்டு சட்டமன்ற உறுப்பினர் காதர் பாட்ஷா முத்துராமலிங்கத்திற்கு பிறந்தநாள் வாழ்த்து தெரிவித்து அன்னதான நிகழ்ச்சியில் கலந்து கொண்டனர்.
