தஞ்சாவூர், ஆகஸ்ட் 18 –
தஞ்சாவூர் பான் ஜோக்கர்ஸ் பெண்கள் கலை கல்லூரியில் யூத் ரெட் கிராஸ் சார்பில் அகில உலக ஜெனிவா ஒப்பந்த நாள் விழா நடைபெற்றது. கல்லூரி முதல்வர் டாக்டர் விக்டோரியா வழிகாட்டுதலின் படி நடந்தது. மன்னர் சரபோஜி அரசு கல்லூரி பேராசிரியரும், மாவட்ட யூத் ரெட் கிராஸ் ஒருங்கிணைப்பாளருமான டாக்டர் முருகானந்தம், மாவட்ட ரெட் கிராஸ் மூத்த நிர்வாக குழு உறுப்பினரும் யூத் ரெட் கிராஸ் ஆலோசகருமான கோ. ஜெயக்குமார் அகில உலக ஜெனிவா ஒப்பந்தநாள் பற்றியும் சிறப்புரையாற்றினார்.
முன்னதாக பான் ஜோக்கர்ஸ் பெண்கள் கல்லூரியின் உதவி பேராசிரியரும், யூத் ரெட் கிராஸ் திட்ட அலுவலர் எஸ்.ஆர். வித்யா அனைவரும் வரவேற்றார். நிறைவாக உதவி பேராசிரியரும் யூத் ரெட்கிராஸ் உறுப்பினருமான டாக்டர் ஜெயசுதா நன்றி கூறினார்.
நிகழ்ச்சியில் ஏராளமான மாணவிகள் கலந்து கொண்டனர்.
