தங்கம் விலை தொடர்ந்து ஏற்றம்: இன்று எவ்வளவு?

சென்னையில் தங்கம் விலை தொடர்ந்து ஏற்றம் கண்டு வரும் நிலையில், நேற்று காலை உயர்ந்து மாலையில் சற்றே குறைந்த விலை, இன்று (ஆக.12) மீண்டும் அதிகரித்துள்ளது. 22 காரட் ஆபரணத் தங்கம் விலை இன்று கிராமுக்கு ரூ.50 உயர்ந்து ரூ.14,200-க்கும், பவுனுக்கு ரூ.400 உயர்ந்து ரூ.1,13,600-க்கும் விற்பனை செய்யப்படுகிறது. இதேபோல் 24 காரட் தங்கம் கிராமுக்கு ரூ.54 அதிகரித்து ரூ.15,491-க்கும், 18 காரட் தங்கம் கிராமுக்கு ரூ.50 உயர்ந்து ரூ.11,980-க்கும் விற்பனையாகிறது.

சர்வதேச பொருளாதார நிலவரம், அரசியல் பதற்றங்கள், கச்சா எண்ணெய் விலை, அமெரிக்க டாலருக்கு எதிரான ரூபாய் மதிப்பு, சர்வதேச பங்குச்சந்தை நிலவரம் உள்ளிட்ட பல்வேறு காரணிகள் தங்கத்தின் விலையில் தாக்கத்தை ஏற்படுத்துகின்றன. குறிப்பாக உலகளாவிய பொருளாதார அசாதாரண சூழல்களில் முதலீட்டாளர்கள் தங்கத்தின் மீது கவனம் செலுத்துவதால் அதன் தேவை அதிகரிக்கிறது. இதனிடையே, சென்னையில் வெள்ளி விலையில் இன்று மாற்றமில்லை. ஒரு கிராம் வெள்ளி ரூ.260-க்கும், ஒரு கிலோ கட்டி வெள்ளி ரூ.2.60 லட்சத்துக்கும் விற்பனை செய்யப்படுகிறது.