கோவை, ஜுன் 9 –
சேரன் நகர் பொதுமக்கள் சார்பில் மக்கள் பயன்பாட்டு உபகரணங்கள் சேரன் நகர் நியாய விலை கடைக்கு வழங்கப்பட்டன. சேரன் நகர், லட்சுமி நகர், தமிழ்மணி நகர், ஜிஐசி காலனி, உமா மகேஸ்வரி நகர், முருகன் லே அவுட், சுப்பையா நகர், ஆண்டாள் நகர் போன்ற பகுதிகளில் இருந்து வரும் பொதுமக்கள் குடிப்பதற்கு தண்ணீர் மற்றும் இருக்கை வசதிகள் இல்லாமல் தவித்து வந்தனர். இதைப் போக்கும் வகையில் பயன்பாட்டிற்காக 10 இருக்கைகளும் ஒரு டீபாய், குடிநீர் வசதிகள், இளைஞர்களுக்கு கேரம் போர்டு மற்றும் விளையாட்டு உபகரணங்கள் வழங்கப்பட்டன. மேலும் பொதுமக்களுக்குத் திமுக அரசு செய்த சாதனை புத்தகங்கள் வழங்கப்பட்டன. நிகழ்ச்சிக்கு திமுக கோவை தெற்கு மாவட்ட வர்த்தக அணி துணை அமைப்பாளர் சேரன் நகர் சுரேஷ் அவர்கள் முன்னிலை வகித்தார். மேலும் திமுக கழக நிர்வாகிகள் மற்றும் பொதுமக்கள் கலந்து கொண்டு சிறப்பித்தனர்.
