ஈரோடு, ஆக. 19 –
ஈரோடு கொங்கு அறிவியல் கல்லூரியில் கேட்டரிங் சயின்ஸ் அண்ட் ஓட்டல் மேனேஜ்மென்ட் துறையில் மாணவர்களுக்கான ஒரு நாள் பயிற்சி பட்டறை “மித்தாய் ஸ்டுடியோ” என்ற தலைப்பில் நடைபெற்றது. இந்த பயிற்சி பட்டறைக்கு ஈரோட்டில் உள்ள ஹோட்டல் டர்மரிக்கின் Sous Chef மணிகண்டன் அவர்கள் சிறப்பு விருந்தினராக கலந்து கொண்டு மாணவர்களுக்கு பயிற்சி வழங்கினார்.
நிகழ்ச்சியில் கல்லூரியின் தாளாளர் பி.டி. தங்கவேல் தலைமையுரை ஆற்றினார். கல்லூரி முதல்வர் முனைவர் எச். வாசுதேவன் வாழ்த்துரை வழங்கினார். இந்த நிகழ்விற்கான ஏற்பாட்டை துறை தலைவர் எஸ். கார்த்திகேயன் மற்றும் பேராசிரியர்கள் செய்திருந்தனர். இந்த நிகழ்வில் கேட்டரிங் துறை சார்ந்த மாணவ, மாணவியர்கள் கலந்து பயன் பெற்றனர்.
