சென்னை, அக்டோபர் 08 –
சுகாதாரப் பராமரிப்பு நிறுவனமான அபோட் உலகிலேயே முதன்முதலாக அவைர் ட்யூயல் சேம்பர் லீட்லெஸ் பேஸ்மேக்கர் அமைப்பை அறிமுகப்படுத்துவதாக அறிவிப்பு வெளியிட்டுள்ளது. இந்த சிறிய உயர் தொழில்நுட்ப சாதனம் வயர்கள் (லீட்கள்) அல்லது பாரம்பரிய பேஸ்மேக்கர்களில் பயன்படுத்தப்படும் சர்ஜிக்கல் பாக்கெட்டுகள் இல்லாமல் இதயத்தைச் சரியாகத் துடிக்க வைக்க உதவுகிறது.
தென்கிழக்கு ஆசியா, ஹாங்காங்க், தைவான் மற்றும் கொரிய நாடுகளில் நடைபெறும் அபோட்டின் இதயத் துடிப்பு மேலாண்மை வணிகத்திற்கான பொது மேலாளர் அஜய் சிங் சவுகான் கூறுகையில், குறிப்பாக பிராடி கார்டியா என்று அழைக்கப்படும் கோளாறு இருந்தால் உங்கள் இதயம் மிகவும் மெதுவாகத் துடிக்கும். பேஸ்மேக்கர்கள் உங்கள் இதயத் துடிப்பை ஆரோக்கியமான வேகத்தில் வைத்திருக்க உதவுகின்றன. பாரம்பரிய பேஸ்மேக்கர்கள் உங்கள் இதயத் துடிப்பை கட்டுப்படுத்தும் மின் சமிக்ஞைகளை அனுப்ப லீட்ஸ் எனப்படும் மெல்லிய வயர்களைப் பயன்படுத்துகின்றன. இந்த வயர்கள் சாதனத்தை உங்கள் இதயத்துடன் இணைக்கின்றன.
இதற்கு நேர்மாறாக லீட்லெஸ் பேஸ்மேக்கர்கள் ஒரு புதிய, மேம்பட்ட விருப்பத் தேர்வாகும். அவை நரம்புக்குள் செருகப்படும் கேத்தீட்டர் வழியாக இதயத்திற்குள் நேரடியாக வைக்கப்படும் சிறிய சாதனங்கள் ஆகும். இவற்றிற்கு லீட் வயர்கள் தேவையில்லை. இதனால் இந்தச் செயல்முறை குறைந்த அளவிலேயே ஊடுருவக்கூடியதாக அமைந்து ஆபத்தான சிக்கல்களைக் குறைக்கிறது. மேலும் பொதுவாக விரைவாகவும் எளிதாகவும் குணமடைய உதவுகிறது.
சமீப காலம் வரை லீட்லெஸ் பேஸ்மேக்கர்கள் இதயத்தின் ஓர் அறையை மட்டுமே இயக்க கூடியனவாக இருந்தன. ஏனெனில் இரண்டு தனித்தனி சாதனங்களை ஒத்திசைவோடு ஒன்றாக வேலை செய்ய வைப்பது ஒரு பெரிய சவாலாக இருந்தது. அபோட் அதன் திருப்புமுனை இம்பிளான்ட்-டு-இம்பிளான்ட் தொழில்நுட்பத்தின் மூலம் அதை மாற்றியுள்ளது. இந்தக் கண்டுபிடிப்பின் உதவியால் மேல் அறையில் (வலது ஏட்ரியம்) ஒன்று கீழ் அறையில் (வலது வென்ட்ரிக்கிள்) ஒன்று என வைக்கப்படும் இரண்டு சிறிய லீட்லெஸ் பேஸ்மேக்கர்கள் ஒரே நேரத்தில் பீட் பை பீட்டாக ஒன்றுக்கொன்று தொடர்பு கொள்ளமுடிகிறது. முதல் முறையாக நோயாளிகள் உண்மையான ட்யூயல் சேம்பர் லீட்லெஸ் பேசிங் மூலம் பயனடைய முடிகிறது. வயர்கள் தேவையில்லாமல் மிகவும் இயல்பாகவும் ஒத்திசைவாகவும் இதயம் துடிப்பதற்கு இது உதவுகிறது.
“லீட்லெஸ் பேஸிங் தொழில்நுட்பம் உருவாக்கப்பட்டுள்ளதால் லீட்லெஸ் பேஸிங்கின் நன்மைகளை இன்னும் அதிகமான மக்களுக்குக் கொண்டுசெல்லவும் நோயாளிகளுக்குக் கூடுதல் சிகிச்சை விருப்பத் தேர்வுகளை வழங்கவும் எங்கள் அவைர் வி.ஆர் சிங்கிள்-சேம்பர் தளத்தை நாங்கள் உருவாக்கியுள்ளோம் ”என்றார்.
