ஈரோடு, ஜூலை 23 –
ஈரோடு மாவட்ட ஆட்சியர் அலுவலக வளாகத்தில் அமைந்துள்ள பொதுமக்கள் பயன்பாட்டிற்கான பூங்கா முறையான பராமரிப்பு இன்றி காணப்படுவதாக பொதுமக்கள் குற்றம்சாட்டுகின்றனர்.
பூங்காவில் செடிகள் மற்றும் புற்கள் அடர்ந்து வளர்ந்துள்ளதுடன், பல இடங்களில் தூய்மைப் பணிகளும் மேற்கொள்ளப்படாமல் இருப்பதாக கூறப்படுகிறது. இதனால் அங்கு கொசுக்கள் அதிகளவில் உருவாகி, பகலிலேயே கொசு தொல்லை நிலவுவதாக அலுவலகத்திற்கு வரும் பொதுமக்கள் மற்றும் ஊழியர்கள் வேதனை தெரிவிக்கின்றனர்.
மாவட்ட ஆட்சியர் அலுவலகத்திற்கு தினமும் ஏராளமான பொதுமக்கள் பல்வேறு கோரிக்கைகளுக்காக வருகை தரும் நிலையில், பூங்கா மற்றும் அதன் சுற்றுப்புறத்தை சுத்தமாக பராமரிப்பதுடன், கொசு ஒழிப்பு நடவடிக்கைகளையும் தீவிரப்படுத்த வேண்டும் என சமூக ஆர்வலர்களும், பொதுமக்களும் கோரிக்கை விடுத்துள்ளனர்.
எனவே, சம்பந்தப்பட்ட மாநகராட்சி நிர்வாகம் உடனடி ஆய்வு மேற்கொண்டு, பூங்காவை சீரமைத்து, கொசு மருந்து தெளித்தல் உள்ளிட்ட நடவடிக்கைகளை விரைந்து மேற்கொள்ள வேண்டும் என்பதே அனைவரின் எதிர்பார்ப்பாக உள்ளது.
