கோவை, செப். 26:
பன்னாட்டு லயன்ஸ் சங்கங்கள் 3242 சி, நேரு நகர் லயன்ஸ் சங்கம், அவினாசிலிங்கம் பல்கலைக்கழக நாட்டுநலப் பணித்திட்டம் மற்றும் பல்வேறு மருத்துவமனைகள் இணைந்து நடத்திய மகளிர் பொதுமருத்துவம், பல், ஹோமியோபதி, சித்த மருத்துவம், கண் மற்றும் தொடுவர்ம சிகிச்சை மருத்துவ முகாம் அவினாசிலிங்கம் பல்கலைக்கழகத்தில் மூன்று நாட்கள் நடைபெற்றது.
முகாமை பன்னாட்டு லயன்ஸ் இயக்கம் 3242 சி மாவட்டத்தின் முதலாம் துணை ஆளுநர் வழக்கறிஞர் சூரி.நந்தகோபால் தொடங்கி வைத்தார். அவினாசிலிங்கம் பல்கலைக்கழக நாட்டுநலப்பணித் திட்ட ஆலோசகர் கனக சுப்பிரமணி, லயன்ஸ் இயக்கம் 3242 சி மாவட்ட ஜிஎம்டி ஒருங்கிணைப்பாளர் லயன் S.செந்தில்குமார் ஆகியோர் தலைமையில் முகாமிற்கான ஏற்பாடுகள் செய்யப்பட்டிருந்தன.
முகாமில் 25-க்கும் மேற்பட்ட மருத்துவர்கள், 25-க்கும் மேற்பட்ட செவிலியர்கள், 50-க்கும் மேற்பட்ட பேராசிரியர்கள் மற்றும் 100-க்கும் மேற்பட்ட நாட்டுநலப்பணித் திட்ட மாணவர்கள் பங்கேற்றனர். ஆயிரத்திற்கும் மேற்பட்ட மாணவிகள் மருத்துவப் பரிசோதனை மற்றும் சிகிச்சை மூலம் பயனடைந்தனர். நேரு நகர் லயன்ஸ் சங்க மகளிர் மாவட்ட தலைவர் சுப்பு செந்தில்குமார், சங்கத் தலைவர் தேஜஸ்வினி, செயலாளர் தாமிரா செந்தில்குமார், ஆக்டிவ் செயலாளர் நடராஜ், பொருளாளர் உலகநாதன், அட்மின் கிரீஸ் எல்சிஐஎஃப் சிவக்குமார் உள்ளிட்டோர் கலந்து கொண்டனர்.
