அதிநவீன எம்.ஆர்.ஐ. ஸ்கேன்

ஈரோடு, செப்.12.

ஈரோடு ஜான்சன் ஹெல்த் மருத்துவமனையில் புஜிபிலிம் எகலான் ஸ்மார்ட் என்ற அதிநவீன எம்.ஆர்.ஐ. ஸ்கேன் நிறுவப்பட்டுள்ளது. இதன் மூலம் ஈரோடு மட்டுமின்றி சுற்றுவட்டார மாவட்டங்களைச் சேர்ந்த பொதுமக்களும் மேம்பட்ட எம்.ஆர்.ஐ. பரிசோதனை சேவைகளை எளிதில் பெறும் வாய்ப்பு ஏற்பட்டுள்ளது.

நோயாளிகளை மையமாகக் கொண்ட நவீன வடிவமைப்பு, நுண்ணறிவு தொழில்நுட்பம் மற்றும் திறமையான பணிப்பாய்வு ஆகியவற்றை ஒருங்கிணைத்து இந்த எம்.ஆர்.ஐ. அமைப்பு உருவாக்கப்பட்டுள்ளது. நரம்பியல், தசை-எலும்பு, முதுகெலும்பு, வயிற்றுப் பகுதி உள்ளிட்ட பல்வேறு மருத்துவப் பரிசோதனைகளில் உயர்தர இமேஜிங் மற்றும் துல்லியமான முடிவுகளை விரைவாக வழங்க இந்த தொழில்நுட்பம் உதவும்.

கதிரியக்கவியல், இருதயவியல், அறுவை சிகிச்சை, புற்றுநோயியல் உள்ளிட்ட பல்வேறு மருத்துவத் துறைகளிலும் இந்த நவீன எம்.ஆர்.ஐ. தொழில்நுட்பத்தை பயன்படுத்த முடியும். இதன் மூலம் நோயாளிகளுக்கு நெருக்கமாக மேம்பட்ட நோயறிதல் சேவைகளை வழங்குவதுடன், ஈரோடு மற்றும் சுற்றுவட்டார பகுதிகளின் மருத்துவ நோயறிதல் திறனும் மேலும் வலுப்பெறும்.

இதுகுறித்து ஜான்சன் குழும நிறுவனங்களின் நிர்வாக இயக்குநர் டி.திருக்குமார் கூறுகையில், “புஜிபிலிம் எகலான் ஸ்மார்ட் எம்.ஆர்.ஐ. ஸ்கேன் மூலம் துல்லியமான மற்றும் திறமையான நோயறிதலுக்கான எங்களது திறன் மேம்படுத்தப்பட்டுள்ளது. நோயாளிகளுக்கு அருகிலேயே மேம்பட்ட இமேஜிங் தொழில்நுட்பம் கிடைப்பதால், சரியான நேரத்தில் மருத்துவ மதிப்பீடு மேற்கொள்ள இது பெரிதும் உதவும்” என்றார்.

இந்த நிகழ்ச்சியில் சீனியர் மேனேஜர் கை யோசிடா, சேர்மன் நடராஜன் உள்ளிட்டோர் கலந்து கொண்டனர்.