பரமக்குடி, ஜூன் 26 –
பரமக்குடி கிழக்கு ஒன்றிய தமிழக வெற்றி கழகம் சார்பாக கட்சியின் தலைவர் விஜயின் பிறந்த நாளை முன்னிட்டு கல்வியில் சிறந்து விளங்கிய மாணவ மாணவிகளுக்கு பரிசு பொருள்கள் வழங்கப்பட்டது.
தமிழக வெற்றிக் கழக தலைவர் விஜய் அவர்களின் 51 வது பிறந்த நாள் விழா பரமக்குடி நகர் மற்றும் ஒன்றியங்களில் கொண்டாடப்பட்டது. இந்த நாளை முன்னிட்டு நலத்திட்ட உதவிகள் வழங்கும் விழா, கோயில்களில் சிறப்பு பிரார்த்தனை சிறப்பு வழிபாடு மனவளர்ச்சி ஒன்றிய மற்றும் முதியோர் இல்லங்களில் அன்னதானங்களும் நடைபெற்றது.
இதன் தொடர்ச்சியாக பரமக்குடி கிழக்கு ஒன்றிய இளைஞரணி சார்பாக ஒன்றிய அமைப்பாளர் சக்தி கணேசன் தலைமையில், ஒன்றிய இணைச் செயலாளர் செந்தாமரைக் கண்ணன் முன்னிலையில், ராமநாதபுரம் மாவட்ட செயலாளர் மன்மதன் ஒன்றிய அளவில் 10 மற்றும் 12 ஆம் வகுப்பில் முதல் மூன்று மதிப்பெண் எடுத்த மாணவ மாணவிகளை ஊக்கப்படுத்தும் விதமாக பரிசு பொருள்களை வழங்கினார் . அதனைத் தொடர்ந்து சுமார் 500 பேருக்கு அன்னதானம் வழங்கப்பட்டது. இந்த நிகழ்ச்சியில் ஒன்றிய நகர கிளை நிர்வாகிகள் உட்பட பொதுமக்கள் என ஏராளமானவர்கள் கலந்து கொண்டனர்.
