சிவகங்கை அக்: 08
மாமன்னர்கள் மருது பாண்டியர்களின் 225-வது குருபூஜை விழா, வரும் 24.10.2026 அன்று திருப்பத்தூரிலும், 27.10.2026 அன்று காளையார்கோவிலிலும் நடைபெற உள்ளது.
இதனை முன்னிட்டு, விழாவில் பொதுமக்கள் மற்றும் முக்கிய பிரமுகர்களின் பாதுகாப்பு, போக்குவரத்து சீரமைப்பு, வாகன நிறுத்துமிடங்கள், கூட்ட நெரிசல் தடுப்பு மற்றும் அவசரகால நடவடிக்கைகள் உள்ளிட்ட முன்னேற்பாடுகள் குறித்து மாவட்ட ஆட்சியர் அரங்கில் மாவட்ட ஆட்சித் தலைவர் திரு. ஆகாஷ் தலைமையில், மாவட்ட காவல் கண்காணிப்பாளர் திரு. அபிஷேக் குப்தா முன்னிலையில் கலந்தாய்வுக் கூட்டம் நடைபெற்றது.
விழா சிறப்பாகவும், அமைதியாகவும் நடைபெறுவதற்குத் தேவையான அனைத்து பாதுகாப்பு மற்றும் ஒருங்கிணைப்பு நடவடிக்கைகளையும் மேற்கொள்ள சம்பந்தப்பட்ட துறை அலுவலர்களுக்கு அறிவுறுத்தப்பட்டது.
இக்கூட்டத்தில் அரசு உயர் அலுவலர்கள், விழா ஏற்பாட்டுக் குழுவினர், முக்கிய பிரமுகர்கள் மற்றும் மருது பாண்டியர்களின் வம்சாவளியினர் உள்ளிட்ட 200-க்கும் மேற்பட்டோர் கலந்து கொண்டனர்.
