ஈரோடு, ஆக.18.
ஈரோடு மாவட்டம் கவுந்தப்பாடியில் பாரதிய மஸ்தூர் சங்கம் (பி.எம்.எஸ்.) சார்பில் செப்டம்பர் 17-ம் தேதியை தேசிய தொழிலாளர் தினமாக அறிவித்து, சம்பளத்துடன் கூடிய விடுமுறை வழங்க வேண்டும் என வலியுறுத்தி பேரணி மற்றும் பொதுக்கூட்டம் நடைபெற்றது.
கவுந்தப்பாடி நால் ரோட்டில் நடைபெற்ற நிகழ்ச்சிக்கு மாவட்ட தலைவர் வெங்கடேசன் தலைமை வகித்தார். மாவட்ட பொருளாளர் சரவணகுமார் வரவேற்றார். மாவட்ட செயலாளர் ரமேஷ் முன்னிலை வகித்தார். மாநில செயற்குழு உறுப்பினர் சிதம்பர சாமி பேரணியை தொடங்கி வைத்து பொதுக்கூட்டத்தில் பேசினார். மாவட்ட செயற்குழு உறுப்பினர் முருகேசன் நிகழ்ச்சியை ஒருங்கிணைத்தார். முடிவில் பழனிச்சாமி நன்றி கூறினார்.
