திருப்பூர், நவம்பர் 11 –
திருப்பூர் ஊத்துக்குளி சாலையில் உள்ள ரேவதி திரையரங்கில் அகில இந்திய ஃபார்வர்டு பிளாக் கட்சியின் தேசிய தலைவர்களின் ஒருவரான பசும்பொன் முத்துராமலிங்கத் தேவர் திருமகனார் வாழ்க்கை வரலாற்றை தழுவிய திரைப்படமான தேசிய தலைவர் திரைப்படத்தினை அகில இந்திய பார்வர்டு பிளாக் திருப்பூர் புறநகர் மாவட்ட செயலாளர் தேளி கே. காளிமுத்து தேவர் அவர்களின் ஏற்பாட்டில் நவம்பர் பத்தாம் தேதி மாலை 6 மணிக்கு ஓடிய காட்சி முழுவதற்கும் தொகையை புறநகர் மாவட்ட செயலாளர் தேளி கே காளிமுத்து தேவர் ஏற்றுக்கொண்டார். மேலும் மண்ணரை பேருந்து நிலையத்தில் திருப்பூர் மாவட்ட தேவர் பேரவை மண்ணரை கிளை சார்பில் பட்டாசு வெடித்தும் ஆள் உயர மாலை அணிவித்தும் அவருக்கு உற்சாக வரவேற்பு அளிக்கப்பட்டது. திரையரங்கு வந்த அனைவருக்கும் சமோசா, பிஸ்கட், தண்ணீர் போன்ற ஏற்பாடுகள் செய்யப்பட்டிருந்தது.
பின்பு செய்தியாளர்களை சந்தித்த அவர்: தேசிய தலைவர் திரைப்படம் மாபெரும் வெற்றி அடைய வைத்த பொதுமக்களுக்கு நன்றிகளை தெரிவித்தார். இதுபோன்ற சுதந்திர போராட்ட தியாகிகள் அனைவரது வாழ்க்கை வரலாற்றையும் திரைப்பட தயாரிப்பாளர்கள் மற்றும் இயக்குனர்கள் இயக்குவதற்கு முன்வர வேண்டும். பசும்பொன் தேவர் திருமகனாரை போன்ற தேசிய தலைவர்களை ஜாதிய வண்ணத்தில் கட்டமைக்க வேண்டாம் எனவும் மேலும் பசும்பொன் கிராமத்தில் தேசியமும் தெய்வீகமும் எனது இரு கண்கள் என வாழ்ந்த பசும்பொன் முத்துராமலிங்க தேவர் ஜெயந்தி விழாவில் வருகை தரும் பொது மக்களுக்கு வசதி ஏற்படுத்தி தர வேண்டும் என இந்த ஆண்டு தமிழக அரசு சார்பாக மண்டபம் அமைத்து தர ஏற்பாடு செய்யப்பட்டுள்ளது. அதற்கான நிதி ஒதுக்கி வேலைகளும் நடந்து வருகிறது.
மேலும் மிகப்பெரிய நிழல் கூரை, தார் சாலை வசதி போன்ற பல்வேறு ஏற்பாடுகளை தமிழக அரசு சார்பில் ஏற்பாடு செய்யப்பட்டுள்ளது. மேலும் உசிலம்பட்டியில் உள்ள கல்வித்தந்தை பி.கே. மூக்கையா தேவர் அவர்களுக்கு 6,25 கோடி மதிப்பீட்டில் மணிமண்டபமும் கட்டப்பட்டு வருகிறது. அதற்கு தமிழக அரசுக்கு நன்றியை தெரிவித்தார். இந்த நிகழ்வில் மாவட்டத் தலைவர் நெல்லை தாமோதரன், மாவட்ட துணை தலைவர் டெல்டா தனசேகர், சேதுபதி, செல்வம், வேலுமணி, இசக்கி, சுப்பையா, பிரபாகரன், ஜீவா, தங்கராஜ், பூமிநாதன், அழகு பாண்டி அரசப்பன், லோகேஷ், ரவி, கார்த்திக், செந்தில்குமார், மணி, கோகுல் மற்றும் மாவட்ட மாநகர நகர ஒன்றிய நிர்வாகிகள் 1000க்கும் மேற்பட்டோர் பங்கேற்றார்.
