சேலம் மாவட்டத்தில் பணியிடங்களை நிரப்ப தகுதியான நபர்களிடருந்து விண்ணப்பங்கள் வரவேற்கப்படுகிறது

சேலம், ஜூலை 9 –

சேலம் மாவட்டத்திற்கு உட்பட்ட நல வாழ்வு மையங்கள், நகர்ப்புற நல வாழ்வு மையங்கள், மற்றும் அரசு மோகன் குமாரமங்கலம் மருத்துவமனையில் உள்ள போதை மீட்பு மையம் ஆகிய இடங்களில் காலியாக உள்ள பணியிடங்களை நிரப்ப தகுதியான நபர்களிடம் இருந்து விண்ணப்பங்கள் வரவேற்கபடுகிறது. தேசிய நல குழுமத்தின் கீழ் தற்காலிக ஒப்பந்த அடிப்படையில் இந்த பணி நியமனம் நடைபெற உள்ளது.

மருத்துவ அதிகாரி 2 பேர், மன நல சமூக பணியாளர் 1, துணை செவிலியர். 1, சுகாதார ஆய்வாளர்கள் 4 , துணை செவிலியர் -1, நர்ஸ் 4 பேர் , கணினி தரவு உள்ளீட்டாளர் 1 , மருத்துவமனை தொழிலாளிகள் 5 பேர், ஆகிய பணியிடங்கள் முற்றிலும் தற்காலிக ஒப்பந்த அடிப்படையில் நிரப்பப்பட உள்ளது. இந்த பணிகளுக்கான கல்வி தகுதிகள் மருத்துவ அலுவலர் குறைந்தபட்சமாக இந்திய மருத்துவ கவுன்சிலால் அங்கீகரிக்கப்பட்ட இளங்கலை எம். பி. பி. எஸ். பட்டம் பெற்று தமிழ்நாடு மருத்துவ கவுன்சிலில் பதிவு செய்திருக்க வேண்டும். அங்கீகரிக்கப்பட்ட பல்கலைக்கழகங்களில் மருத்துவ சமூக பணி அல்லது மனநல சமூகப்பணி துறையில் எம்.ஏ அல்லது மாஸ்டர் ஆஃப் சோஷியல் ஒர்க்கர் பயின்று இருக்க வேண்டும்.

செவிலியர் பணிக்கு இந்திய நர்சிங் கவுன்சிலில் அங்கீகரிக்கப்பட்ட பல்கலைக்கழகங்களில் ஜிஎன்எம் அல்லது பி.எஸ்சி பட்டம் பெற்றிருக்க வேண்டும். அதேபோன்று சுகாதார ஆய்வாளர் பணிக்கு மேல்நிலை இரண்டாம் ஆண்டு தேர்வில் உயிரியல் அல்லது தாவரவியல் மற்றும் விலங்கியல் பாடத்தில் தேர்ச்சி பெற்றிருக்க வேண்டும். பன்முக சுகாதாரப் பணியாளர் (ஆண்), சுகாதார ஆய்வாளர் பணிக்கு சுகாதார ஆய்வாளர் பயிற்சி அங்கீகரிக்கப்பட்ட தனியார் நிறுவனம் அல்லது பல்கலைக்கழகம் காந்திகிராம் ஊரக நிறுவனத்தில் பயிற்சி பெற்றிருக்க வேண்டும். ஏ என் எம் துணை செவிலியர் இரண்டு வருடம் (ஏ என் எம்) பயிற்சி பெற்றிருக்க வேண்டும்.

கணினி தரவு உள்ளீட்டாளர் ஏதேனும் பட்டப்படிப்பு ஒரு வருட (பிஜி டிப்ளமோ கம்ப்யூட்டர் அப்ளிகேஷன்) தமிழ் மற்றும் ஆங்கிலத்தில் இளநிலை தட்டச்சு தேர்ச்சி பெற்றிருக்க வேண்டும். மருத்துவமனை பணியாளர்கள் எட்டாம் வகுப்பு தேர்ச்சி பெற்று 40 வயதிற்குள் தமிழ் மற்றும் ஆங்கிலத்தில் எழுத படிக்க தெரிந்திருக்க வேண்டும்.

விண்ணப்பதாரர்கள் https :www.salem.nic.in என்ற இணையதள முகவரியில் விண்ணப்பத்தினை பதிவிறக்கம் செய்து பூர்த்தி செய்த விண்ணப்பங்களை 20.07.2026 அன்று மாலை 5.00 மணிக்குள் மாவட்ட சுகாதார அலுவலர்/ நிர்வாக செயலாளர், சேலம் மாவட்ட நல சங்கம், பழைய நாட்டாண்மை கழக கட்டிட வளாகம் ,சேலம் -631001 என்ற முகவரிக்கு அனுப்பி பயன்பெறுமாறு சேலம் மாவட்ட ஆட்சித் தலைவர் இளம் பகவத் தெரிவித்துள்ளார் .