சென்னை, அக் : 10
தலைமைத் தேர்தல் ஆணையர் ஞானேஷ் குமார் பதவி விலக வலியுறுத்தி, டெல்லியில் இன்று (அக். 10) சிஜேபி சார்பில் போராட்டம் அறிவிக்கப்பட்டுள்ளது. இந்தப் போராட்டத்திற்கு டெல்லி காவல்துறை அனுமதி மறுத்துள்ள நிலையில், போராட்டக்காரர்கள் கைது செய்யப்பட்டு வருகின்றனர்.
இதற்குக் கண்டனம் தெரிவித்துள்ள திமுக தலைவர் மு.க.ஸ்டாலின், ஜனநாயகத்தைக் காப்பதற்காக எழும் குரலை ஒடுக்குவது ஜனநாயகத்தையே அழித்துவிடும் என்று தெரிவித்துள்ளார். மேலும், கைது செய்யப்பட்டுள்ள அரசியல் தலைவர்கள், மாணவர்கள் மற்றும் இளைஞர்களை உடனடியாக விடுவிக்க வேண்டும் என்றும் வலியுறுத்தியுள்ளார்.
தலைமைத் தேர்தல் ஆணையர் ஞானேஷ் குமார் பதவி விலக வேண்டும் என்ற கோரிக்கையில் எந்தச் சமரசமும் இல்லை என்றும் ஸ்டாலின் குறிப்பிட்டுள்ளார்.
