ஈரோடு, அக் : 10
ஈரோடு மாவட்டம் பெருந்துறை அருகே உள்ள கொடுமணல் அகழாய்வு தளத்திற்கு, மாவட்ட ஆட்சியர் கந்தசாமி தலைமையில் பள்ளி, கல்லூரி மாணவ, மாணவியர்கள் கல்விச் சுற்றுலா மேற்கொண்டனர்.
தமிழர்களின் தொன்மையான நாகரிகம், சங்ககால வாழ்வியல், தொழில்நுட்பம் மற்றும் வணிகத் தொடர்புகள் குறித்து மாணவர்கள் நேரடியாக அறிந்துகொள்ளும் வகையில் இந்தச் சுற்றுலா ஏற்பாடு செய்யப்பட்டது.
இதில் சுமார் 145 மாணவ, மாணவியர்கள் பங்கேற்றனர். மேலும், தொல்லியல் தளங்களைப் பாதுகாத்தல் மற்றும் பராமரித்தல் குறித்த விழிப்புணர்வுப் பயிற்சியும் அளிக்கப்பட்டது. இந்நிகழ்வில் சுற்றுலாத்துறை மற்றும் வருவாய்த்துறை அதிகாரிகள் உள்ளிட்டோர் கலந்து கொண்டனர்.
