ஈரோடு, செப். 22:
தொடக்க வேளாண்மை கூட்டுறவு கடன் சங்க ஊழியர்களை அவமதிக்கும் வகையிலும், வன்முறையைத் தூண்டும் வகையிலும் பேசியதாகக் கூறப்படும் விவசாய சங்க நிர்வாகி ஈசன் முருகசாமி மீது சட்டப்படி நடவடிக்கை எடுக்க வலியுறுத்தி, தமிழகம் முழுவதும் மாவட்ட ஆட்சியர் அலுவலகங்கள் முன்பு கூட்டுறவு ஊழியர்கள் கண்டன ஆர்ப்பாட்டத்தில் ஈடுபட்டனர்.
கடன் தவணைகளை நினைவூட்டுவது கூட்டுறவு ஊழியர்களின் வழக்கமான பணி என்றும், ஊழியர்களின் பணியில் குறைபாடு இருந்தால் உரிய அதிகாரிகளிடம் புகார் அளிக்கலாம் என்றும் சங்க நிர்வாகிகள் தெரிவித்தனர். சம்பவம் தொடர்பாக முழுமையான விசாரணை நடத்தி, சட்டப்படி நடவடிக்கை எடுக்க வேண்டும் என அவர்கள் வலியுறுத்தினர்.
