ராமநாதபுரம், அக் : 13
ராமநாதபுரம் மாவட்டம், இருமேனி உச்சிப்புளியில் உஜ்ஜைனி ஹாக்கி கிளப் சார்பில் முதன்முறையாக மாநில அளவிலான 7எஸ் ஹாக்கி போட்டி நடைபெற்றது. இருமேனி ஜமாஅத் விளையாட்டு மைதானத்தில் நடைபெற்ற இப்போட்டியில் 10 அணிகள் பங்கேற்றன.
இதில் திருநெல்வேலி ஹாக்கி விசார்ட்ஸ் அணி முதல் பரிசையும், ராமநாதபுரம் டவுன் ஹாக்கி கிளப் அணி இரண்டாம் பரிசையும், விருதுநகர் ரெட் ரோஸ் ஹாக்கி கிளப் அணி மூன்றாம் பரிசையும் வென்றன.
முதல் பரிசாக ரூ.15,000, இரண்டாம் பரிசாக ரூ.10,000, மூன்றாம் பரிசாக ரூ.5,000 வழங்கப்பட்டன.
பரிசளிப்பு விழாவில் ஹாக்கி சங்க நிர்வாகிகள், விளையாட்டுத் துறை அதிகாரிகள் மற்றும் உள்ளூர் பிரமுகர்கள் கலந்து கொண்டனர். போட்டிக்கான ஏற்பாடுகளை உஜ்ஜைனி ஹாக்கி கிளப் செயலாளர் சிரஞ்சீவி மற்றும் ஹாக்கி ராமநாதபுரம் துணைச் செயலாளர் தாமரைக்கண்ணன் ஆகியோர் செய்திருந்தனர்.
