ஈரோடு, அக் : 12
தகவல் அறியும் உரிமைச் சட்டம் குறித்து பொதுமக்களிடையே விழிப்புணர்வு ஏற்படுத்தும் வகையில், ஈரோட்டில் திங்கள்கிழமை விழிப்புணர்வுப் பேரணி நடைபெற்றது.
ஈரோடு வட்டாட்சியர் அலுவலக வளாகத்தில் தொடங்கிய பேரணியை, வருவாய் கோட்டாட்சியர் க. முத்துசாமி தொடங்கி வைத்தார். அரசு ஐடிஐ கல்லூரி முதல்வர் மு. சீனிவாசன் தலைமை வகித்தார்.
இதில், அரசு ஐடிஐ பயிற்சியாளர்கள் மற்றும் ஆசிரியர்கள் என 500-க்கும் மேற்பட்டோர் பங்கேற்றனர். ஈரோடு வட்டாட்சியர் அலுவலகத்தில் இருந்து புறப்பட்ட பேரணி, ஈரோடு ரயில் நிலையத்தில் நிறைவடைந்தது.
தகவல் அறியும் உரிமைச் சட்டத்தின் முக்கியத்துவம் மற்றும் அதன் பயன்பாடுகள் குறித்து பொதுமக்களிடையே விழிப்புணர்வு ஏற்படுத்தும் நோக்கில் இந்தப் பேரணி நடைபெற்றது.
