அருமனை | செப். 22
கடையாலுமூடு கோதையாற்றில் கடந்த 8 மாதங்களுக்கும் மேலாக பொதுமக்களிடையே அச்சத்தை ஏற்படுத்தி வந்த முதலை, கையாலக்கால் நடைபாலம் அருகே மீன்பிடிக்க போடப்பட்டிருந்த வலையில் சிக்கியது. இரவு நேரத்தில் வலையில் சிக்கிய முதலை, காலையில் தெரியவந்ததைத் தொடர்ந்து வனத்துறை மற்றும் காவல்துறைக்கு தகவல் தெரிவிக்கப்பட்டது.
இதையடுத்து வனத்துறை அதிகாரிகள், காவல்துறையினர், சமூக ஆர்வலர்கள் மற்றும் பொதுமக்கள் இணைந்து முதலையை பாதுகாப்பாக பிடித்தனர். பின்னர் முதலை பாதுகாப்பான இடத்திற்கு கொண்டு செல்லப்பட்டு, உரிய முறையில் வனப்பகுதியில் விடுவிக்கப்பட உள்ளது. நீண்ட நாட்களாக அச்சத்தில் இருந்த அப்பகுதி மக்கள், முதலை பிடிபட்டதால் நிம்மதி அடைந்தனர்.
