கிருஷ்ணகிரி, செப். 22:
காவேரிப்பட்டினம் ஒன்றியம் அகரம் அரசு மேல்நிலைப்பள்ளியில் 1 முதல் 8ஆம் வகுப்பு வரை பயிலும் மாணவ, மாணவியர்களுக்கான காமராஜர் காலை உணவு திட்டம் தொடங்கப்பட்டது. மாணவர்களுக்கு சத்தான மற்றும் தரமான உணவு வழங்கப்பட்டது.
பள்ளி தலைமை ஆசிரியர் தலைமையில் நடைபெற்ற நிகழ்ச்சியில், மாநில ஊரக வாழ்வாதார இயக்க வட்டார ஒருங்கிணைப்பாளர் கஸ்தூரி, ஆசிரியர்கள், பள்ளிப் பணியாளர்கள், ஊராட்சி நிர்வாகிகள் மற்றும் மாணவர்கள் பங்கேற்றனர். மாணவர்களின் உடல்நலம், பள்ளி வருகை மற்றும் கல்வி முன்னேற்றத்திற்கு இத்திட்டம் உதவும் என தெரிவிக்கப்பட்டது.
