நாகர்கோவில், செப். 30
கன்னியாகுமரி மாவட்ட அரசு ரப்பர் கழகத் தோட்டங்களில் பணியாற்றும் தொழிலாளர்கள், புதிய ஊதிய ஒப்பந்தத்தை உடனடியாக அமல்படுத்தக் கோரி தொடர் வேலைநிறுத்தப் போராட்டத்தில் ஈடுபட்டு வருகின்றனர். ஊதிய ஒப்பந்தம் தொடர்பாக நடைபெற்ற பேச்சுவார்த்தையில் உடன்பாடு ஏற்படாத நிலையில், போராட்டம் தீவிரமடைந்தது. ஊதிய உயர்வு கோரி அரசு ரப்பர் தோட்டத் தொழிலாளர்கள் தொடர்ந்து போராட்டங்களில் ஈடுபட்டு வருவதாக சமீபத்திய செய்திகள் தெரிவிக்கின்றன.
இதன் தொடர்ச்சியாக நாகர்கோவில் வடசேரியில் உள்ள அரசு ரப்பர் கழக அலுவலகத்தை தொழிலாளர்கள் முற்றுகையிட்டு போராட்டத்தில் ஈடுபட்டனர். கருப்புத் துணி அணிந்து எதிர்ப்பை பதிவு செய்ததுடன், அலுவலகம் முன்பு அமர்ந்து பின்னர் சாலையில் மறியல் போராட்டத்திலும் ஈடுபட்டனர். இதனால் வடசேரி–புத்தேரி சாலையில் போக்குவரத்து பாதிக்கப்பட்டது. போராட்டத்தில் ஈடுபட்ட 360 தொழிலாளர்களை போலீசார் கைது செய்து மண்டபத்தில் தங்க வைத்தனர் என தெரிவிக்கப்பட்டுள்ளது.
