கோவை, மே 29 –
கோவை கொடிசியா இன்டெக் கண்காட்சியானது மிகச் சிறப்பு வாய்ந்த ஒரு தொழில் கண்காட்சியாகும். கோவை தனது ஒரு தொழில் உற்பத்தி மையமாகவும் ஆட்டோமோட்டிவ், ஏரோஸ்பேஸ், பொறியியல், வேதியியல் மற்றும் இவை சார்ந்த துறைகளுக்கு தொழில் சேவை வழங்கும் மையமாகவும், தொழில் புத்தாக்கம் நிறைந்த ஒரு பகுதியாக மாறவும் இந்த கண்காட்சியானது தனது முக்கிய பங்களிப்பை வழங்கி வருகிறது.
தொழில் சார்ந்த பங்கேற்பாளர்கள், கண்காட்சியாளர்கள் மற்றும் கலந்து கொள்பவர்களுக்கு பெரும் பயன் அளிக்கும் வகையில் 20 பதிப்புகளை நிறைவு செய்த ஒரு கண்காட்சியாக இந்த இன்டெக் கண்காட்சி திகழ்கிறது.
இந்த இன்டெக் 2026 எனும் சர்வதேச இயந்திர மற்றும் பொறியியல் தொழில் கண்காட்சியின் 21ம் பதிப்பானது கோவை மற்றும் இந்தியாவை ஒரு சர்வதேச தொழில் உற்பத்தி மையமாக உருவாக்கும் பெரும் முயற்சியாகும். இதில் பங்கேற்கும் மாநிலங்களான கோவா, குஜராத், கர்நாடகா, கேரளா, தமிழ்நாடு போன்ற 13 மாநிலங்கள் பங்கேற்கின்றன.
இதில் சிறப்பு விருந்தினராக ஜின்கி லிட்டை கோ லிமிடெட் ஜப்பான் நிறுவனர் டாக்டர் கனோகா, கௌரவ விருந்தினர்களாக பொது மேலாளர் ரயில்வே அமைச்சகம் சென்னை யு சுப்பாராவ், ஆர் ஐ ஆர் பவர் எலக்ட்ரானிக்ஸ் லிமிடெட் மும்பை நிர்வாக இயக்குனர் என் ரமேஷ்குமார் கலந்து கொண்டனர்.
மேலும் இதில் மெஷின் டூல் ஆக்சஸரீஸ், சிஎன்சி மிஷினரி மற்றும் உதிரி பாகங்கள், லேசர் கட்டிங், வானிலை இயந்திர பாகங்கள், சர்வ மோட்டார் பவர் டூல், கட்டிங் டூல், எலக்ட்ரிகல் மற்றும் எலக்ட்ரானிக்ஸ், இண்டஸ்ட்ரியல் பம்புகள் போன்றவை இடம்பெறுகின்றன. கண்காட்சி ஆனது ஜூன் நான்கு முதல் 8 வரை காலை 10 மணி முதல் மாலை 5 மணி வரை நடைபெறும் என்றும் தெரிவித்தார்.
