நாகர்கோவில் ஏப் 4
குமரி மாவட்டம் நாகர்கோவில் தனியார் கல்லூரி விழாவில் த வெ க கட்சி பாடலை ஒலிபரப்பி ஆதவ் அர்ஜுனாவை வரவேற்று நடிகர் விஜய்க்கு ஆதரவு அலையை கிளப்பிய கல்லூரி நிர்வாகம் மற்றும் மாணவர்களால் பரபரப்பு ஏற்பட்டது.கன்னியாகுமரி மாவட்டம் நாகர்கோவிலில் தனியார் கல்லூரியில் 132 வது ஆண்டு விழா கடந்த இரண்டு நாட்களாக நடைபெற்று வருகிறது. அதன் தொடர்ச்சியாக நேற்று நடைபெற்ற விழாவில் தவெக தேர்தல் பிரிவு பொதுச்செயலாளர் ஆதவ் அர்ஜுனா சிறப்பு விருந்தினராக பங்கேற்றார். அவர் கல்லூரி அரங்கத்தில் நுழையும் போது மாணவர்கள் சிலர் தவெக கட்சி கொடியை ஏந்தி உற்சாகத்தை வெளிப்படுத்தினர். மாணவர்களின் நடிகர் விஜய்யின் கட்சிக்காரர்களும் இருக்கிறார்கள் என்பதை வெளிக்காட்டிய அதே தருணத்தில் அதற்கு ஒரு படி மேலே போய் கல்லூரி நிர்வாகம் நடிகர் விஜய்க்கு ஆதரவாக இருப்பதை வெளிக்காட்டும் விதமாக செயல்பட்டது.ஆதவ் அர்ஜுனா மேடை நோக்கி சென்று கொண்டிருக்கும் போது தவெக கட்சி பாடலை ஒலி பரப்பி அவரை வரவேற்றது. கல்லூரி விழாவில் சிறப்பு விருந்தினராக பங்கேற்க செய்து அவரது கட்சி பாடலை ஒலிபரப்பி பரபரப்பை ஏற்படுத்திய கல்லூரி நிர்வாகத்தை நோக்கி அரசியல் விமர்சகர்களின் பார்வை திரும்பியுள்ளது.
தனியார் கல்லூரி ஆண்டு விழாவில் மாணவர்கள் அரசியல் கட்சியின் கொடியை பிடித்து கோஷங்களை எழுப்பியதால் பரபரப்பு ஏற்பட்டது.
