ராமநாதபுரம், ஜுலை 20-
கீழக்கரை செய்யது ஹமிதா கலை மற்றும் அறிவியல் கல்லூரியில் முதலாம் ஆண்டு மாணவர்கள் மற்றும் மாணவர்களின் பெற்றோருக்கான பயிற்சி வகுப்புகள் கல்லூரி வளாகத்தில் நடைபெற்றது. பயிற்சி வகுப்பில் கல்லூரி முதல்வர் ராஜசேகர் தலைமை தாங்கினார். சர்வதேச வாழ்வியல் பயிற்சியாளர் பால் சுசில் கலந்து கொண்டு மாணவர்கள் மற்றும் அவர்களின் பெற்றோர்களுக்கு தனித்தனியே பயிற்சிகள் வழங்கினார். ஆங்கில துறை தலைவர் பேராசிரியர் நெல்சன் டேனியல் வரவேற்றார். கணினி பயன்பாட்டு துறை தலைவர் பேராசிரியர் மதீனா நன்றி கூறினார். சதக் அறக்கட்டளை சார்பில் தலைவர், செயலாளர் மற்றும் இயக்குனர்கள் வாழ்த்து தெரிவித்திருந்தனர். விழாவிற்கான ஏற்பாடுகளை வணிகத்துறை தலைவர் பேராசிரியர் செல்வகணேஷ் மற்றும் பிற துறை தலைவர்கள் செய்திருந்தனர்.
