தேசிய தேக்வாண்டோ போட்டியில் சாதனை படைத்த மாணவர்களுக்கு சின்னாளப்பட்டி ராஜன்உள்விளையாட்டு அரங்கில் பாராட்டு விழா

தேசிய அளவிலான தேக்வாண்டோ போட்டி கடந்த
மாதம் 25-ஆம் தேதி முதல் 29 -ஆம் தேதி வரை மஹாராஷ்டிரா மாநிலம் நாசிக் நகரில் நடைபெற்றது. இதில் தமிழக அணி சார்பில் சின்னாளப்பட்டி ராஜன் உள்விளையாட்டு ‘ அரங்கில் பயிற்சி பெற்ற 8 மாணவர்கள் பல்வேறு எடைப் பிரிவில் கலந்து கொண்டனர். இதில் 87 கிலோ சீனியர் பிரிவில் நவீன்குமார் என்ற மாணவர் 2-ஆம் இடம்பிடித்து வெள்ளிப்பதக்கம் பெற்றார்.38 கிலோ சப-ஜூனியர் பிரிவில் நகுலன், 47 கிலோ பிரிவில் தியா ஆகியோர் 3-ஆம் இடம் பிடித்து வெண்கலப் பதக்கத்தைத் தட்டிச்சென்றனர். தேசிய அளவில் தேக்வாண்டோ போட்டியில் சாதனை படைத்து தமிழகத்துக்கு பெருமை சேர்த்த 3 தேக்வாண்டோ வீரர்களுக்கு திண்டுக்கல் மாவட்டம், சின்னாளப்பட்டி ராஜன் உள்விளையாட்டு அரங்கில் பாராட்டு விழா நிகழ்ச்சி நடைபெற்றது. இதில் சர்வதேச நடுவரும், பயிற்சியாளருமான மாஸ்டர். எம். பிரேம்நாத், மற்றும் பெற்றோர்கள் சால்வை அணிவித்து பாராட்டி வாழ்த்து தெரிவித்தனர்.