மதுரை, ஆகஸ்ட் 25 –
மதுரை பாரபத்தி பகுதியில் கடந்த 21-ம் தேதி தமிழக வெற்றிக்கழகத்தின் இரண்டாவது மாநில மாநாடு நடைபெற்றது. அதில் மத்திய, மாநில ஆளுங்கட்சிகளை விமர்சனம் செய்து அக்கட்சியின் தலைவர் விஜய் உரை அமைந்தது. இதனைக் கண்டிக்கும் வகையில் திமுகவினர் தொடர்ச்சியாக விஜய்க்கு எதிராக போஸ்டர்கள் ஒட்டப்பட்டு வருகின்றனர்.
இந்த நிலையில் மதுரை தெற்கு மாவட்டம் திமுக சார்பாக நகர் முழுவதும் விஜய்க்கு எதிராக போஸ்டர் ஒட்டப்பட்டுள்ளது. அதில் WHAT BRO, OVER BRO, அடக்கி வாசிங்க BRO என்ற வசனங்கள் உள்ளவாறு மதுரை முழுவதும் போஸ்டர்கள் திமுக சார்பாக ஒட்டப்பட்டுள்ளது. விஜய் பேச்சுக்கு எதிர்வினை ஆற்றும் வகையில் திமுகவினர் தொடர்ச்சியாக ஒட்டப்பட்டு வரும் போஸ்டர்கள் சமூக வலைதளங்களில் வைரலாகி வருகிறது.
