ஜன:3
1திருப்பூர் மாவட்ட ஆட்சியர் அலுவலகக்கூட்டரங்கில் தீண்டாமை ஒழிப்பு உறுதிமொழி அனைத்துறை அலுவலர்களால் ஏற்றுக்கொள்ளப்பட்டது.
இந்திய அரசியலமைப்பின்பால் இடைவிடாத, உளமார்ந்த பற்றுள்ள இந்தியக் குடிமகன் /குடிமகள் ஆகிய நான், நமது அரசியலமைப்பின்படி தீண்டாமை ஒழிக்கப்பட்டுவிட்டது என்பதை அறிவேன். தீண்டாமையை அடிப்படையாகக் கொண்டு, எவர்மீதும் தெரிந்தோ, தெரியாமலோ சமூக வேற்றுமையை மனம், வாக்கு, செயல் என்ற எந்த வகையிலும் கடைப்பிடிக்கமாட்டேன் என்று இதனால் உளமார உறுதியளிக்கிறேன். அரசியலமைப்பின் அடிப்படைக் கருத்திற்கிணங்க, சமய வேறுபாடற்ற சுதந்திர சமுதாயத்தை உருவாக்குவதில் நேர்மையுடனும், உண்மையுடனும் பணியாற்றுவது எனது கடமையாகும் என்பதையும் உணர்வேன். இந்திய அரசியலமைப்பின்பால் எனக்குள்ள முழுப்பற்றிற்கு இது என்றென்றும் எடுத்துக்காட்டாக விளங்குமென்றும் இதனால் உளமார உறுதியளிக்கிறேன். தீண்டாமை ஒழிப்பு உறுதி மொழி அனைத்துறை அலுவலர்களால் ஏற்றுக்கொள்ளப்பட்டது.
இந்நிகழ்ச்சியில்,
க.கார்த்திகேயன், மாவட்ட வருவாய் அலுவலர் திருப்பூர் வருவாய் கோட்டாட்சியர் மோகனசுந்தரம், உடுமலைப்பேட்டை வருவாய் கோட்டாட்சியர் குமார், தனித்துணை ஆட்சியர் (சமூகப் பாதுகாப்புத்திட்டம்) குமாரராஜா மற்றும் துறை சார்ந்த அலுவலர்கள் கலந்து கொண்டார்கள்.
