ஈரோடு, டிச.5
மக்கள் சிந்தனைப் பேரவை சார்பில் பாரதி விழா மற்றும் உலக அறிவியல் நாள் ஜப்பான் தலைநகர் டோக்கியோவில் நடந்தது பேரவையின் ஜப்பானிய கிளையில் ஆலோசகர் கமலக்கண்ணன் வரவேற்றார்
பேரவையின் தலைவர் ஸ்டாலின் குணசேகரன் இணைய வழியில் அறிமுக உரை நிகழ்த்தி நிகழ்த்தினார்.
நிகழ்ச்சியில் விஞ்ஞானி மயில்சாமி அண்ணாதுரை சிறப்பு விருந்தினராக கலந்து கொண்டு புத்தகத்தை வெளியிட்டார் .ஜப்பான் வாழ் இலக்கியவாதிகள் கோவிந்தராஜன், செந்தில்குமார் ஆகியோர் முதல் பிரதியை பெற்றுக் கொண்டனர். பேராசிரியர் மணிகண்டன் பாரதி குறித்து சிறப்புரை ஆற்றினார் .
விழாவை யொட்டி பாரதி ஊர்வலம் நடந்தது. இதில் பாரதி வேடம் அணிந்த குழந்தைகள் பாரதியின் படத்தை ஏந்தி வந்தனர். இவர்களுக்கு சான்றிதழும் பாரதி பற்றிய புத்தகங்களும் வழங்கப்பட்டன.
அறிவியலில் முனைவர் பட்டம் பெற்ற 28 ஜப்பான் வாழ் தமிழர்களுக்கு பாராட்டு விழா நடைபெற்றது.
இதில் ஒவ்வொருவரின் ஆய்வுத்தளங்களை எடுத்துரைத்து அவர்களின் உருவ படத்தையும் பெயரையும் ஆய்வின் தலைப்பையும்
பொறித்த பதக்கத்தை மயில்சாமி அண்ணாதுரை வழங்கினார். முடிவில் பேரவையின் ஜப்பான் கிளை தலைவர் கிருஷ்ண சாமி நன்றிகூறினார்.
