நீலகிரி. டிசம்.02.
ஊட்டி கோத்தகிரி நெடுஞ்சாலையில் உள்ளது கட்டபெட்டு என்ற டவுன் பகுதி ஊட்டி கோத்தகிரி பகுதிக்கு முக்கிய சாலையான ஒரு வழி பாதையில் சீசன், சுற்றுலா காலங்களில் சமவெளி பகுதியில் இருந்து வரும் பேருந்து உள்ளிட்ட அனைத்து வாகனங்களும் ஒரு வழி பாதையாக திருப்பி விடுவதுண்டு. அனைத்து வாகனங்களும் மையப்பகுதியில் உள்ள கட்டபெட்டு என்ற இடத்தை கடந்துதான் செல்ல வேண்டும். ஜெகதளா, நடுஹட்டி, கக்குச்சி, கோத்தகிரி என நான்கு ஊராட்சி பேரூராட்சிகள் சந்திக்கின்ற இடமாக உள்ள இந்த பகுதியில் ஜனாதிபதி, கவர்னர் என முக்கிய பிரமுகர்களும் இந்த பகுதியை கடந்து தான் செல்ல வேண்டும் பொதுமக்கள் அதிகமாக கூடும் நகரின் மையப் பகுதியில் பல ஆண்டுகளுக்கு முன் அமைக்கப்பட்ட மின்கம்பம் துருப்பிடித்து எந்த நேரத்திலும் உடைந்து விழும் ஆபத்தான நிலையில் உள்ளது. நகரின் முக்கிய இடத்தில் அமைந்துள்ள இந்த மின்கம்பம் உடைந்து கீழே விழுந்தால் மின்சாரம் தாக்கி உயிர் பலி ஏற்படும் முன் ஆபத்தான நிலையில் உள்ள இந்த மின்கம்பத்தை அகற்ற வேண்டும் என இப்பகுதி மக்கள் கோரிக்கை வைத்துள்ளனர்.
