புதுக்கடை, நவ-2
கன்னியாகுமரி மாவட்டம் தாய் தமிழகத்துடன் இணைந்த 68 – ம் ஆண்டு விழா நம்பர் 1 தேதி கொண்டாடப்படுகிறது. இதையொட்டி புதுக்கடையில் உள்ள தியாகிகள் நினைவு ஸ்தூபியில் குமரி மேற்கு மாவட்ட காங்கிரஸ் கமிட்டி சார்பில் மலர் மாலை அணிவிக்கும் நிகழ்ச்சி நடைபெற்றது. மேற்கு மாவட்ட காங்கிரஸ் தலைவர் டாக்டர் பினுலால் சிங் தலைமை வகித்தார். ராஜேஷகுமார் எம் எல் ஏ ஸ்தூபிக்கு மாலை அணிவித்தார். நிகழ்ச்சியில் தாரகை கத்பட் எம் எல் ஏ , மாநில மீனவர் காங்கிரஸ் தலைவர் ஜோர்தான், வட்டார காங்கிரஸ் தலைவர்கள் ரகுபதி, ராஜசேகரன், மாவட்ட பொதுச் செயலாளர்கள் ஷேக் முகம்மது , வழக்கறிஞர் பால்ராஜ், மாவட்ட ஊராட்சி கவுன்சிலர் லூயிசாள், உட்பட காங்கிரஸ் நிர்வாகிகள் , தொண்டர்கள், பொதுமக்கள் ஏராளம் பேர் கலந்து கொண்டனர்.
