உங்களைத் தேடி உங்கள் ஊரில் திட்டம்

தேனி. 18.

தேனி மாவட்டம் உங்களைத் தேடி உங்கள் ஊரில் திட்டம் ஆண்டிபட்டி வட்டத்தில் 18/9/2024 மற்றும் 19/09/2024 ஆகிய நாட்களில் நடைபெற உள்ளதாக தேனி மாவட்ட ஆட்சித் தலைவர் தகவல் தெரிவித்துள்ளார்.

தேனி மாவட்டம் ஆண்டிபட்டி வட்டத்தில்  புதன்கிழமை காலை 9 மணி முதல்  வியாழக்கிழமை காலை 9 மணி வரை மாவட்ட ஆட்சித் தலைவர் அவர்கள் அனைத்து துறை அதிகாரிகளுடன் அப்பகுதியில் தங்கி அரசு சேவைகள் திட்டங்கள் அரசு அலுவலகங்கள் ஆகியவற்றினை கள ஆய்வு மேற்கொள்ளும் உங்களைத் தேடி உங்கள் ஊரில் திட்ட முகாம் நடைபெற உள்ளது. எனவே இம் முகாமில் ஆண்டிபட்டி வட்டத்தைச் சேர்ந்த பொதுமக்கள் அனைவரும் தங்களது கோரிக்கைகளை தொடர்பான மனுக்களை பட்டா மாறுதல்,முதியோர் உதவித்தொகை கோருதல், புதிய குடும்ப அட்டை கோருதல், விபத்து நிவாரணம், ஆதிதிராவிடர் நலத்துறை, மாவட்ட பிற்படுத்தப்பட்டோர் மற்றும் சிறுபான்மையினர் நலத்துறை, விவசாயத்துறை, மற்றும் இதர துறைகள் தொடர்பாக 18 -9 -2024-ம் தேதி புதன்கிழமை அன்று மாலை 4:30 மணி முதல் 6:00 மணி வரை ஆண்டிபட்டி வட்டார வளர்ச்சி அலுவலகத்தில் மாவட்ட  ஆட்சியரிடம் நேரில் மனுவினை கொடுத்து பயன்பெற்று கொள்ளலாம் என தேனி மாவட்ட ஆட்சித் தலைவர் ஆர்.வி. ஷஜீவனா தெரிவித்துள்ளார்.