பாஜக கட்சியின் உறுப்பினர் சேர்க்கை பயிலரங்கம்

கிருஷ்ணகிரி செப். 6 : பர்கூர் சட்டமன்ற தொகுதிக்கான பாஜக கட்சியின் உறுப்பினர் சேர்க்கை கூட்டம் மற்றும் உறுப்பினர் அடையாள அட்டை வழங்கும் விழா KSG மஹாலில் நடைபெற்றது. மாவட்டத் தலைவர் சிவப்பிரகாஷ் தலைமையில் நடைபெற்ற இந்த கூட்டத்திற்கு கிருஷ்ணகிரி பாராளுமன்ற உறுப்பினர் சேர்க்கை பொறுப்பாளர் பாலகிருஷ்ணன் மற்றும் கிருஷ்ணகிரி கிழக்கு மாவட்ட பொறுப்பாளர் முனிராஜ் ஆகியோர் முன்னிலை வகித்தனர். கூட்டத்தில் மோடியின் சிறப்பான திட்டங்களைப் பற்றி மக்களிடம் எவ்வாறு கொண்டு சேர்ப்பது, உறுப்பினர்களை எவ்வாறு சேர்ப்பது, நிர்வாகிகள் எவ்வாறு செயல்பட வேண்டும் என்பது குறித்தும், ஆலோசனை வழங்கப்பட்டது. பின்னர் கூட்டத்தில் கலந்து கொண்டவர்களுக்கு, உறுப்பினர் அடையாள அட்டை வழங்கப்பட்டது. இந்த நிகழ்ச்சியில் உறுப்பினர் சேர்க்கை பொறுப்பாளர் செந்தில், பர்கூர் சட்டமன்றத்துக்கு உட்பட்ட மாவட்ட நிர்வாகிகள், மண்டல் தலைவர்கள், சக்திகேந்திர பொறுப்பாளர்கள், மற்றும் கிளை தலைவர்கள், கிளை நிர்வாகிகள், உள்ளிட்ட 200க்கும் மேற்பட்டோர் கலந்து கொண்டனர்.