கன்னியாகுமரி, அக் :13
ராஜாக்கமங்கலம் கணபதிபுரத்தில் உள்ள குலசை முத்தாரம்மன் தசரா குழு சார்பில், 11, 12 ஞாயிறு மற்றும் திங்கள் ஆகிய இரண்டு நாட்கள் மகா காளி பூஜை விழா நடைபெற்றது.
இதையொட்டி நேற்று முன்தினம் 11-ம் தேதி ஞாயிற்றுக்கிழமை காலை விழா தொடங்கியது.மதியம் அம்மனை கும்பத்தில் எழுந்தருளச் செய்தல், அம்மனுக்கு அலங்கார பூஜை, அன்னபிரசாதம் வழங்குதல் ஆகிய நிகழ்ச்சிகள் நடைபெற்றன. மாலை மாபெரும் 108 திருவிளக்கு பூஜை நடைபெற்றது. இதில் திரளான பக்தர்கள் கலந்து கொண்டு அம்மனை வழிபட்டனர்.
இரவு சிறப்பு பூஜை மற்றும் பக்தர்களுக்கு மாலை அணிவித்து காப்பு கட்டும் நிகழ்ச்சி நடைபெற்றது. தொடர்ந்து அன்னபிரசாதம் வழங்கப்பட்டது.
இரண்டாம் நாளான நேற்று (அக். 12) திங்கட்கிழமை காலை பஜனை நடைபெற்றது. மாலை 6 மணிக்கு பழவூர் சுதன் குழுவினரின் கொம்பு, தப்பு உள்ளிட்ட பாரம்பரிய இசை நிகழ்ச்சிகளும், கீழச்சங்கரன்குழி லதா குழுவினரின் வில்லிசையும் இரவு மகா காளி பூஜையும் நடைபெற்றது.
நிகழ்ச்சியில் குலசை முத்தாரம்மன் தசரா குழுவினர், கணபதிபுரம் பகுதி பக்தர்கள் மற்றும் பொதுமக்கள் கலந்து கொண்டனர். விழாவிற்கான ஏற்பாடுகளை கணபதிபுரம் குலசை முத்தாரம்மன் தசரா குழுவின் நிர்வாக தலைவர் சுயம்புலிங்கம்,
தலைவர் சுரேஷ்,செயலாளர் வினோ, பொருளாளர் மணிகண்டன், மற்றும் நிர்வாகிகள் சிறப்பாக செய்திருந்தனர்.
