காரைக்குடி, அக் : 12
சிவகங்கை மாவட்டம், காரைக்குடி கிருஷ்ணா கார்டனில் ரோட்டரி கிளப்பின் 76-வது ஆண்டு விழா, கிளப் தலைவரின் தாயாரின் 80-வது பிறந்தநாள் மற்றும் உலக பெண் குழந்தைகள் தினக் கொண்டாட்டம் என முப்பெரும் விழா நடைபெற்றது.
கிளப் தலைவர் ரோட்டேரியன் ருக்மா சரவணன் தலைமையில் நடைபெற்ற விழாவில், 2028–29-ஆம் ஆண்டுக்கான மாவட்ட ஆளுநராகப் பொறுப்பேற்க உள்ள சண்முக நடராஜ், முன்னாள் மாவட்ட ஆளுநர் எஸ். பெரியணன் உள்ளிட்ட ரோட்டரி நிர்வாகிகள் பங்கேற்று வாழ்த்தினர்.
விழாவில் சிறுவர்களுக்குப் பரிசுகள், அதிர்ஷ்டக் குலுக்கல் மற்றும் பாடகர் செந்தில் அரசு வழங்கிய இசை நிகழ்ச்சி நடைபெற்றது. பங்கேற்றவர்களுக்கு இரவு உணவும் வழங்கப்பட்டது.
