திருவள்ளூர் அக் : 08
திருவள்ளூர் மாவட்ட ஆட்சியர் அலுவலக பல்நோக்கு கூட்டரங்கில், தேசிய காசநோய் ஒழிப்புத் திட்டத்தின் சார்பில் “காசநோய் இல்லா தமிழ்நாடு 2030” இலக்கை நோக்கி சுகாதாரத்திற்கான கூட்டு குழு தொடக்கப் பிரச்சார நிகழ்வு நடைபெற்றது.மாவட்ட ஆட்சித் தலைவர் ச.கவிதா அவர்கள் குத்துவிளக்கேற்றி நிகழ்ச்சியைத் தொடங்கி வைத்து, காசநோய் விழிப்புணர்வு உறுதிமொழியை அனைவருடனும் ஏற்றுக்கொண்டார். மேலும், விழிப்புணர்வு தகவல் கையேடுகளை வழங்கி, காசநோய் இல்லா ஊராட்சிகளின் செயலாளர்கள் மற்றும் சுகாதாரத்திற்கான கூட்டு குழுவினருக்கு பாராட்டு சான்றிதழ்களை வழங்கினார்.என்டிஇசிஎல் (NTPC) சார்பில் சமூகப் பங்களிப்பு நிதி (CSR) திட்டத்தின் கீழ் ரூ.8 இலட்சத்திற்கான வரையோலையும் மாவட்ட ஆட்சித் தலைவர் அவர்களிடம் வழங்கப்பட்டது.திருவள்ளூர் மாவட்டத்தில் காசநோய் தடுப்பு, ஆரம்பகட்ட கண்டறிதல், சிகிச்சை மற்றும் விழிப்புணர்வு நடவடிக்கைகளை வலுப்படுத்தும் வகையில் 14 வட்டாரங்களில் சுகாதாரத்திற்கான கூட்டு குழுக்கள் அமைக்கப்பட்டுள்ளதாக மாவட்ட ஆட்சித் தலைவர் தெரிவித்தார். மேலும், 2025ஆம் ஆண்டில் மாவட்டத்தில் 63 காசநோய் இல்லா கிராமங்கள் தேர்வு செய்யப்பட்டுள்ளன.இந்நிகழ்வில் சுகாதாரத்துறை அலுவலர்கள், மருத்துவர்கள், தேசிய மாணவர் படையினர், செவிலியர் பயிற்சி பள்ளி மாணவர்கள், தன்னார்வ தொண்டு நிறுவன பிரதிநிதிகள் மற்றும் துறை சார்ந்த அலுவலர்கள் கலந்து கொண்டனர்.
