தருமபுரி, அக். 1:
தருமபுரி மாவட்டம் பாலக்கோடு வட்டம் எர்ரனஅள்ளி ஊராட்சிக்கு உட்பட்ட முத்துக்காடு கொட்டாய் பகுதியில், பொதுமக்களுக்கு குழந்தை திருமணம் மற்றும் குழந்தை கடத்தல் தடுப்பு குறித்த விழிப்புணர்வு நிகழ்ச்சி நடைபெற்றது.
R.W.D.T. தொண்டு நிறுவனம் சார்பில் நடைபெற்ற இந்நிகழ்ச்சியில், J.R.C. மண்டல ஒருங்கிணைப்பாளர் செந்தில் ராஜா, சமூக ஆர்வலர் பி.கே. சிவா மற்றும் சந்திரசேகர் ஆகியோர் கலந்து கொண்டு குழந்தை திருமணம் மற்றும் குழந்தை கடத்தலால் ஏற்படும் பாதிப்புகள், அதனைத் தடுப்பதற்கான வழிமுறைகள் குறித்து பொதுமக்களுக்கு விழிப்புணர்வு ஏற்படுத்தினர்.
நிகழ்ச்சியின் நிறைவில், குழந்தை திருமணத்தை தடுத்து நிறுத்துவோம் என பொதுமக்கள் உறுதிமொழி ஏற்றுக்கொண்டனர்.
