கோவை, செப்.19:
கோவை வரதராஜபுரம் சாய் விவாகா மஹால் திருமண மண்டபத்தில், முன்னாள் எம்எல்ஏ நா.கார்த்திக் தலைமையில் “தளபதி இரத்த தான இயக்கம்” சார்பில் மாபெரும் இரத்த தான முகாம் நடைபெற்றது. கடந்த 19 ஆண்டுகளாக செயல்பட்டு வரும் இந்த இயக்கம், ஆண்டுக்கு மூன்று முறை இரத்த தான முகாம்களை நடத்தி கோவை அரசு மருத்துவமனைக்கு இரத்தம் வழங்கி வருகிறது.
இது அந்த இயக்கத்தின் 51-வது இரத்த தான முகாமாகும். இதுவரை நடத்தப்பட்ட முகாம்கள் மூலம் ஒரு லட்சத்திற்கும் மேற்பட்ட நோயாளிகள் பயனடைந்துள்ளதாக தெரிவிக்கப்பட்டது. நிகழ்ச்சியில் அரசியல் கட்சி நிர்வாகிகள், வழக்கறிஞர்கள், மாநகராட்சி பிரதிநிதிகள், கல்லூரி மாணவர்கள், மாணவிகள் மற்றும் இரத்த தான கொடையாளர்கள் உள்ளிட்ட பலர் கலந்து கொண்டனர்.
