ஈரோடு, அக் : 14
தமிழ்நாடு அரசு ஊழியர் சங்கம் சார்பில், 6 அம்ச கோரிக்கைகளை வலியுறுத்தி ஈரோடு தாலுகா அலுவலகம் முன்பு ஆர்ப்பாட்டம் நடைபெற்றது. வட்டக் கழகத் தலைவர் அண்ணாதுரை தலைமை தாங்கினார். மாவட்டச் செயலாளர் விஜய் மனோகரன் தொடங்கி வைத்தார். இதில் நிர்வாகிகள் சுமதி, சந்திரமௌலி, பாலமுருகன் உள்ளிட்டோர் கலந்து கொண்டனர்.
பழைய ஓய்வூதியத் திட்டத்தை அமல்படுத்துதல், காலமுறை ஊதியம் வழங்குதல், 6 லட்சத்துக்கும் மேற்பட்ட காலிப் பணியிடங்களை நிரப்புதல், ஒப்பந்தப் பணி நியமன முறையைக் கைவிடுதல் உள்ளிட்ட கோரிக்கைகள் வலியுறுத்தப்பட்டன.
கோரிக்கைகளை நிறைவேற்ற வலியுறுத்தி அக். 28-ல் தர்ணா, நவ. 18-ல் பிரசார இயக்கம், டிச. 4-ல் ஒரு லட்சத்துக்கும் மேற்பட்ட அரசு ஊழியர்களைத் திரட்டி முதல்வரிடம் பெருந்திரள் முறையீடு நடத்தப்படும் என சங்க நிர்வாகிகள் தெரிவித்தனர்.
